A Plan for Pyinnyadana

စင်ကာပူရောက် မြန်မာများ၏ အရည်အသွေး မြင့်မားလာစေရေးအတွက်

ပညာဒါနပြုမည့် အစီအစဉ်

တင်ပြသူ - ဦးအေးငြိမ်း
ရက်စွဲ - ၁၈-၁၀-၀၉

၁။ နိဒါန်း

ယခုအခါ စင်ကာပူတွင် လာရောက် အလုပ်လုပ်နေသူ မြန်မာများမှာ ငါးသောင်းခန့် ရှိနေပြီ ဖြစ်ရာ ထိုအထဲတွင် မန်နေဂျာများ၊ အင်ဂျင်နီယာများ၊ Supervisor များ၊ QA / QC များ စသဖြင့် ရာထူးကြီးများတွင် လုပ်ကိုင်နေသူ အများအပြား ရှိသော်လည်း အများစုမှာ သာမန် အလုပ်သမား ကလေးများသာ ဖြစ်ပါ၏။
အခြေအနေ အကြောင်းကြောင်းကြောင့် နိုင်ငံခြားထွက်ကာ အလုပ်လာလုပ်ရသော်လည်း ထို အောက်ခြေ လုပ်သား များမှာ မြန်မာပြည်တွင် ပညာအခြေခံ ပြည့်ပြည့်၀၀ သင်ယူ ဆည်းပူးခဲ့ရခြင်း မရှိခဲ့။ ထို့အပြင် လုပ်ငန်းအတွေ့အကြုံကလည်း နည်းနေ ပေသေးသည်။ အခြေခံပညာ ဆယ်တန်းအောင်ရုံမျှ၊ သာမန် ဘွဲ့တစ်ခုကို မည်ကာမတ္တ ရလာရုံမျှဖြင့် စင်ကာပူတွင်
အလုပ်လုပ်ရန် လုပ်ငန်းအခြေခံ ဗဟုသုတ ပြည့်ဝပြီ ဟု မဆိုနိုင်။ မိမိရလာသော ဘွဲ့နှင့် လုပ်နေရသော အလုပ်သည် သဟ ဇာတ ဖြစ်ဘို့ မလွယ်ကူလှချေ။
သမိုင်းပေးတာဝန်၊ အမျိုးဘာသာ သာသနာ စသော စကားလုံး ကြီးကြီးကျယ်ကျယ်များကို ဘေးချိတ်လျှက် ကျွန်တော်တို့ တတ်နိုင်သော တစ်ဖက်တစ်လမ်းမှ ထို တက်လမ်းရှိမည့် မြန်မာ လူငယ်ကလေးများကို သိသင့်သိထိုက်သော ပညာဗဟုသုတများ ပြန်လည် ဖြန့်ဝေပေးရသော် ကောင်းလေစွ ဟု အကြံရပါသည်။ သို့အတွက် ကျွန်တော်တို့နှင့် စိတ်တူ ကိုယ်တူ မိတ်ဆွေများ စုပေါင်းကာ အလကားနေ အလကား ထိုလူငယ်ကလေးများအတွက် ပညာပေး သင်တန်းကလေးများ ဖွင့်လှစ် သင်ကြားပေးလျှင် အကျိုးများမည်ဟု ယူဆပါသည်။
တစ်ကြောင်းမှာလည်း ထို သကောင့်သားကလေးများမှာ တစ်နေ့မှ ၁၆ ကျပ်၊ ၁၈ ကျပ်၊ သေရောကြေရော ၂၀ ထက် ပိုသူများ မဟုတ်ကြရကား သူတို့ထံမှ သင်တန်းကြေးယူပြီး သင်ရန်ကိုမူ စိတ်မကူးမိပါ။ သို့သော်လည်း ကျွန်တော်တို့ ၏ အချိန်နှင့် လူအား၊ ဉာဏ်အားများ စိုက်ထုတ်လုပ်ကိုင် ပေးရမည် ဖြစ်၍ ဆံထုံးလည်း စိုက်ရ၊ ဆီလည်း စိုက်ရ ဆိုသည်လည်း မဖြစ်စေလိုပါ။ သို့အတွက် မများလှ ဟု ယူဆရသော အခန်းငှားခ နှင့် အထွေထွေ အသုံးစရိတ် (ဥပမာ၊ စာအုပ်များ မိတ္တူ ကူးခြင်း) တို့အတွက်မူ ၎င်းတို့ကိုယ်တိုင် ကျခံ သုံးစွဲစေမှသာ သင့်လျော်ပေမည်။
ထို့ပြင် အလကားရသော ပစ္စည်းဟူသည် တန်ဘိုးထားသူ နည်းလှရကား တစုံတရာသော ငွေကြေးစိုက်ထုတ်စေခိုင်း လိုက်မှလည်း ၎င်းတို့ဘက်မှ လေးလေးစားစား ရှိလာလိမ့်မည် ဖြစ်ပါသည်။ သို့သော်လည်း ထို အခကြေးငွေသည် သူတို့ အတွက် ၀န်ထုပ်ဝန်ပိုးကြီး တစ်ခု ဖြစ်မနေဘို့တော့ လိုပါလိမ့်မည်။

၂။ သင်တန်း ခန်းမ စုံစမ်းခြင်း နှင့် သင်တန်းကြေး

မြန်မာမှန်လျှင် ပင်နင်စူလာ ကို မသိသူ မရှိ။ သို့အတွက် ထို ပင်နင်စူလာ ဘေးကပ်လျှက် TMC သည် အားလုံး အတွက် အဆင်ပြေနိုင်ပါလိမ့်မည်။ သင်တန်းသို့ တကူးတက သွားနေစရာ မလိုတော့ဘဲ ပင်နင်စူလာလည်း လာရင်း၊ သင်တန်းလည်း တက်ရင်း ပိုပြီး အဆင်ပြေပါ လိမ့်မည်။
ထို့ပြင်တ၀ ထို TMC သည် ကျောင်းတစ်ခု ဖြစ်သဖြင့် သင်တန်းအတွက် အလွန် သင့်တော်သော နေရာလည်း ဖြစ်ပေသည်။ ကျွန်တော်တို့ လိုချင်သော Teaching Facility များလည်း ရှိပါသည်။ (ပိုက်ဆံတော့ ပေးရမည်ပေါ့။)
TMC သို့ သွားရောက် စုံစမ်းသောအခါ အခန်းခကို ပူးတွဲပါ ဇယားအတိုင်း သိရပါသည်။
အကြမ်းဖျဉ်း ဆိုရသော် သင်တန်းခန်း+ projector သုံးခ = ၂၆၄ (၃ နာရီ - နေ့ဝက်စာ)
သင်တန်းတစ်ခုလျှင် လူငါးဆယ် လာမည် ဆိုအံ့။
တစ်ဦးလျှင် 264 / 50 = S$ 5.30 ခန့်သာ ကျပါမည်။ (တစ်ရက်စာအတွက်)
တစ်လလျှင် တနင်္ဂနွေ လေးရက် သင်မည် ဖြစ်ရာ တစ်လအတွက် S$5.30 x 4 = S$ 21.20 သာ ကျသင့်ပါမည်။ ဤသည်မှာ မများလွန်း၊ မနည်းလွန်းသော ကုန်ကျ စရိတ် ဖြစ်ပါ၏။ စာအုပ်ကော်ပီ ကူးခ မှာ တစ်အုပ်လျှင် ၁၅ ကျပ် ၂၀ ထက် မပိုနိုင်ပါ။
သင်တန်း တစ်ခုလုံးကို သုံးလဟု ခန့်မှန်းထားရာ သုံးလအတွက် 21.20 x 3 = 63.60 ဖြစ်ပါသည်။ စာအုပ်စာတမ်း ကြေး ပေါင်းလိုက်သော် အကြမ်းဖျဉ်း ၈၀၊ ၉၀ ခန့် ကုန်ကျပါမည်။ ဤလောက်တော့ သူတို့ ကျခံသင့်သည်ဟု ယူဆပါသည်။

၃။ သင်ရိုး

သင်တန်းတစ်ခုလျှင် ဘာသာရပ် သုံးခု သင်မည် မှန်းပါ၏။ အကြမ်းအားဖြင့် -
၁။ မရှိမဖြစ် လိုသော အင်္ဂလိပ်စာ
၂။ Engineering Mathematics + Fundamental of Piping / Mechanical / Civil / etc.
၃။ Computer Literate (Microsoft Office+++)
သုံးလမျှနှင့် ရှိသမျှ ပုံအောပြီး သင်ပေးဘို့ ဘယ်လိုနည်းနှင့်မျှ မဖြစ်နိုင်ပါ။ သုံးလ ဆိုတာတောင် တစ်လလျှင် လေးရက်၊ တစ်ရက်လျှင် တစ်ဘာသာ တစ်နာရီမျှ သာ အချိန်ရမည် ဖြစ်ပေရာ သုံးလပေါင်းမှ သင်ချိန် ၁၂ နာရီမျှသာ ရပါ လိမ့်မည်။
ယခု ကျွန်တော်တို့ လုပ်ပေးမည်မှာ ၎င်းတို့ကို အူမချေးခါးမကျန် အသေးစိတ် အကုန် လိုက်သင်ပေးဘို့ မဟုတ်ဘဲ -
ဟောဒါကိုတော့ သည်လို လေ့လာရသည်။ ဒါဆို သည်လို ဖြစ်သည် - စသော key point များကိုသာ သင်ပေးမည်။ ကျန်တာ ၎င်းတို့ကိုယ်တိုင် ဆက်လက်လေ့လာရမည်။ လိုအပ်လျှင် ကျွန်တော်တို့ထံ သိလိုသည်များကို အချိန်မရွေး လာရောက် မေးမြန်းနိုင်သည် - ဆိုသည့် ပုံစံမျိုး ဖြစ်ပါသည်။
ဥပမာအားဖြင့် - Engineering Mathematics ဆိုကြပါစို့။ ကျွန်တော်တို့က တွက်ပုံတွက်နည်းနှင့် ဖော်မြူလာများ ပေးလိုက်မည်။ ဤ ဖော်မြူလာများကို မည်သို့သုံးရမည် ဆိုသည်ကို ပြပေးကာ တစ်ခုစ၊ နှစ်ခုစနှင့် အနည်းအကျဉ်း လေ့ကျင့်ခိုင်းမည်။ သည်လောက်ဆို သူတို့ သဘောပေါက်သွားပြီး ကျန်သည့် ဖော်မြူလာများပါ ဆက် သုံးတတ်သွားမည်။
ကျွန်တော်တို့ က Template များ၊ များနိုင်သမျှ များများ စုပေးကာ သူတို့ကို လက်တင်သုံး ပေးလိုက်မည် ဖြစ်ပါ၏။ ကျန်တာ သူတို့အပိုင်း။ ကျွန်တော်တို့က ချက်နည်း၊ ပြုတ်နည်းများ သင်ပေးမည်။ ထို့ပြင် အိုးခွက်၊ ပန်းကန်များ လည်း ပေးလိုက်မည်။ ချက်တာ၊ မြည်းတာ သူတို့အပိုင်း။

၎။ ဆရာ နှင့် သင်တန်းသား

ဆရာများကား စေတနာရှင် ဆရာများ ဖြစ်မည်။ အနည်းဆုံး ဘာသာရပ် သုံးခုအတွက် ဆရာ သုံးဦး လိုပါမည်။ သင်တန်းသားများကိုကား စီတီးဟောတွင် လက်ကမ်းကြော်ငြာများ ဖြန့်ခြင်းဖြင့် လည်းကောင်း၊ တစ်ဆင့်စကား၊ တစ်ဆင့် နားဖြင့် လည်းကောင်း စည်းရုံးရမည် ဖြစ်ပါသည်။

ဘာသာရပ် သုံးခုအတွက် ဆရာသုံးဦး အဆင်သင့် ရှိနေပါပြီ။ (ကျွန်တော်၊ ဦးနေမင်းဟိန်း နှင့် ဒေါ်ခိုင်ခိုင်အောင်၊ ဦးကျော်မင်းစိုး)
အခန်းလည်း လိုသည့်အချိန် ရနိုင်ပါသည်။ (ကျွန်တော် Booking လုပ်ထားပါ၏)
Teaching Material များ ကျွန်တော် စတင်ပြင်ဆင်နေပါပြီ။

မှတ်ချက်။ ။ လက်ရှိ ပရောဂျက်ပြီးလျှင် ခန့်မှန်းခြေ ရှေ့လလယ်၌ ကျွန်တော် ဗမာပြည် ခေတ္တပြန်ပါဦးမည်။ ဒီဇင်ဘာ လကုန်မှ ပြန်လာဖြစ်မည် ထင်ပါ၏။ သင်တန်း စဖြစ်လျှင်တောင် ၂၀၁၀ ဇန္န၀ါရီ လဆန်းပိုင်းမှ စဖြစ်ပါလိမ့်မည်။

ကျွန်တော် ဉာဏ်မီသမျှ ရေးလိုက်ခြင်း ဖြစ်ပါသည်။
ထပ်မံ၍ ပြင်ဆင်၊ ဖြည့်စွက် ကြပါကုန်။
စိတ်ဝင်စားသူများအား ဖိတ်ခေါ်ပါ၏။