တစ်ဦးက စေတနာ၊ တစ်ဦးက မေတ္တာ

(၂၂၊ ၃၊ ၂၀၁၀)

အမှန်ကိုဆိုရလျှင် နောက်ဖွင့်မည့်သင်တန်းအတွက် သင်တန်းခန်းမကြေးမလုံလောက်၍ ကျွန်တော်တို့ ခေါင်းချင်းရိုက် နေကြချိန်ဖြစ်ပါ၏။ သူငယ်ချင်းများကို အလှူခံရန်ဖြစ်သော်လည်း ရေရှည်တွင် ထပ်ကာ ထပ်ကာ အလှူခံရန်မှာ အားနာဘို့ကောင်းလှသည်။ ယခုတစ်ခါ အားနာပါးနာနှင့် phone sms များပို့ကာ အလှူခံရာ ၄၀၀ မျှ ရပါ၏။ ၄၀၀ ဆိုသော်လည်း ၁၀၀ မှာ လက်ရှိသင်တန်းတက်နေသူ ကိုရာဇာမှ လှူဒါန်းခြင်း ဖြစ်ပါ၏။ ကျွန်တော်တို့ဘာမှ မပြောရသေးပဲ လှူလာခြင်း ဖြစ်ပါသည်။

ကျွန်တော်တို့ ပြဿနာကိုသိသူ သင်တန်းသူ၊ သင်တန်းသားများက နောက်ဆုံးချိန်မတိုင်မီ တစ်ချိန်တွင် စုပေါင်းလှူကြရန် ပြောကြပါ၍ ၀မ်းမြောက်ဝမ်းသာ ဖြစ်ရပါ၏။ သို့သော် ကျွန်တော့်မှာ ကိုယ့်ဒုက္ခနှင့်ကိုယ် မလေးရှားသို့ မသွားမဖြစ် သွားလိုက်ရ၍ ကျွန်တော်တက်ချင်သော နောက်ဆုံးအချိန်ကို မတက်လိုက်ရပါ။
သင်တန်းသားများနှင့် အမှတ်တရ စုပေါင်းဓါတ်ပုံရိုက်လိုက်ချင်သော်လည်း မရိုက်ဖြစ်လိုက်၍ စိတ်မကောင်းပါ။
သင်တန်းသားများမှ စုပေါင်းလှူငွေ ၇၈၅ ဒေါ်လာကို ကျွန်တော် မလေးရှားမှ ပြန်ရောက်ရောက်ချင်း ကိုဌေးဝင်းနိုင်က လာပေးပါသည်။ သာဓု၊ သာဓု၊ သာဓု။ ကျေးဇူးအထူးတင်ပါသည် သင်တန်းသားများ ခင်ဗျား။




သင်တန်းသားတစ်ဦးဖြစ်သူ ဦးယုရှိန်မှ Topayoh ဘုန်းတော်ကြီးကျောင်းတွင် လောလောဆယ် ကလေးများကို မြန်မာစာသင်ပေးနေသော အခန်းတစ်ခန်း ရှိကြောင်း၊ ထိုအခန်းတွင် သင်လိုပါက သူ ဆရာတော်များနှင့် ဂေါပကကို ပြောပေးနိုင်ကြောင်း ပြောလာသဖြင့် ၀မ်းသာရပါ၏။ ကျေးဇူးလည်း အထူးတင်ပါသည်။ ထိုအကြောင်းကို ကျွန်တော်က ဆရာ၊ ဆရာမများနှင့် တိုင်ပင်ပါ၏။ အားလုံးကပင် လက်ရှိသင်နေသော အခန်းကလေးနှင့် လမိုင်းကပ်ကြောင်း၊ သွားရလာရလည်း အားလုံးအတွက် (သင်တန်း လာတက်မည့်သူများအတွက်) အဆင်ပြေကြောင်း၊ ကျောင်းဖြစ်သဖြင့် စိတ်ဝင်စားမှုမှာလည်း ပိုကောင်း ကြောင်း စသည်တို့ပြောဖြစ်ပြီးနောက် ငွေရေးကြေးရေး အဆင်ပြေလျှင် သည်မှာပင် ဆက်သင်ရန် ပြောဖြစ်ကြပါသည်။

နောက်ပြီး ကျွန်တော်တို့က သိပ်မအော်နိုင်။ ဆရာမဒေါ်ခိုင် သင်သော အင်္ဂလိပ်စာသင်တန်းမှ သီချင်းများ နားထောင်ဘို့လည်း speaker ကလေး လိုချင်သည်။ ဆရာမက ၁၃၀ လောက်ဆိုလျှင်တော့ microphone ပါသော amplifier ကလေးကို sound box နှင့်တကွ ရနိုင်ကြောင်း ပြောသဖြင့် နောင်ခါလာ နောင်ခါဈေး။ နောက်မှ ကိုယ်ပဲစိုက်ရစိုက်ရ ဆိုပြီး ဆရာမကို ကြုံလျှင် ၀ယ်သာဝယ်လိုက်ပါဗျာ ဟု ပြောလိုက်၏။

ဆရာဟိန်းကလည်း ဆရာဦးညီလှငယ် (ရန်ကုန်စက်မှုတက္ကသိုလ် ပါမောက္ခချုပ်) က ကျွန်တော်တို့ သင်တန်းအကြောင်း သိကြောင်း၊ သူရေးထားသော စာအုပ်များပေးလိုက်ကြောင်း၊ အလွန်အဖိုးတန်ကြောင်း၊ သည်သင်တန်းတွင် သင်ပေးပါဟု ဆရာက ဆက်ဆက်မှာလိုက်ကြောင်း များပြောပြီး ၆ ချိန်နှင့်တော့ လောက်မည်မဟုတ်။ ၈ ချိန်မှ ရမည် ဆိုပါသည်။ သို့အတွက် သင်တန်းချိန်ကို ၈ ချိန်သို့ တိုးချဲ့လိုက်ရန် သဘောတူကြပါသည်။

ဆရာမ ဒေါ်ခိုင် ကလည်း သူက အင်္ဂလိပ်စာအုပ်ဝယ်ပြီး ဤသင်ရိုးအတိုင်း သင်ချင်ကြောင်း၊ သူ့စာအုပ်များမှာ ရန်ကုန်တွင်ရှိကြောင်း၊ သည်တွင်ဝယ်လို့ရနိုင်၊ မရနိုင် မသေချာကြောင်း ပြောရာ ကျွန်တော်က ၀ယ်ချင်လျှင်တော့ စာအုပ်ဆိုင်ကို စာအုပ်နာမည်နှင့် စာရေးဆရာနာမည်ပေးပြီး မှာလို့ရကြောင်း ပြောလိုက်ပါ၏။

သို့နှင့် အောက်ပါအတိုင်း အကြမ်းဖျဉ်း သတ်မှတ်လိုက်ကြ၏။
 နောက်ဖွင့်မည့် သင်တန်းကို မေလ ပထမပတ်၏ တနင်္ဂနွေတွင် ဖွင့်မည်။ (02/05/2010-Sunday)
 ၈ ချိန်သင်မည်။
 ၂၀၊ ၄၊ ၁၀ တွင် သင်တန်းသားများကို စတင်ဆော်သြမည်။
 ၂၈ မှ ၃၀၊ ၄၊ ၁၀ တွင် သင်တန်းတက်မည့်သူများကို ထပ်မံ confirm လုပ်ခိုင်းမည်။
 ဆရာမ ဒေါ်ခိုင်ခိုင်အောင်က - English Proficiency Course Intermediate Level
 ဆရာဦးနေမင်းဟိန်းက -
o Part 1. i. Construction Work Report
ii. Construction Work Schedule
iii. Data Base for Construction
iv. Data Base application
o Part 2. Concrete Mix Design - 4 hrs
o Part 3. Construction Planning အကြောင်း သိကောင်းစရာ ဟောပြောပွဲ - 1 hr.
 ကျွန်တော်က ပြီးခဲ့သည့် အပတ်က အတိုချုံး သင်လိုက်ရသည့် Engineering Mathematics ကို သေသေချာချာ သင်မည်။ Piping အကြောင်းကိုလည်း ပို၍ ပြည့်ပြည့်စုံစုံသင်နိုင်မည်။

နောက်တစ်ခု - -
ဆရာမသင်မည့် တရုတ်စာနှင့်စကားပြော (Fundamental of Chinese Language – 4 Skill) ကို ဘယ်လို လုပ်မလဲ (တစ်ချိန် သပ်သပ်ခွဲသင်ဘို့တော့ သူ့လည်းအားနာရသေးသည်) ဆွေးနွေးကြ၏။
ဆရာမက သင်တန်းချိန်ကို တစ်ရက် လေးနာရီလုပ်၊ နောက်ဆုံးနှစ်ချိန်ကို သူယူမည်။ ပထမ တစ်နာရီကို အင်္ဂလိပ်စာ သင်မည်။ နောက် သင်တန်းသားအားလုံးပြန်လွှတ်လိုက်ပြီး ကျန်သည့်နောက်တစ်နာရီကို တရုတ်စာသင်မည် ဟု ဆို၏။ ကောင်းသော အစီအစဉ်ဖြစ်သော်လည်း သင်တန်းခန်းကိစ္စ ကျွန်တော် TMC နှင့် ညှိရန် လိုသေးသဖြင့် ခေတ္တ ရပ်ထားရန် နှင့် တရုတ်စာကိုတော့ တစ်ချိန် ၁၀ ယူရန် (ပညာဒါန သင်တန်း များ ၏ အခန်းငှားခအတွက်) သဘောတူကြ၏။

ဤသည်မှာ နောက်သင်တန်းအတွက် အကြမ်းဖျဉ်း လျာထားချက်များဖြစ်ပါသည်။
သည်တွင် တစ်ခုပြောစရာ ရှိသည်မှာ ပထမ သင်တန်းသားများ ဖြစ်ပါ၏။ ယခု ကျွန်တော်တို့က အစီအစဉ်များ တိုးချဲ့လိုက်တော့ ပထမ သင်တန်းသားများအတွက် နည်းနည်း ထည့်စဉ်းစားချင် လာပါသည်။ သူတို့က တကယ့် အားကြိုးမာန်တက် လေ့လာကြသူများ ဖြစ်၏။
သည်အတွက် တခြားဟာတွေထားလို့ (တခြားဟာတွေကတော့ သိပ်မခြားနားပါ) ဦနေမင်းဟိန်း၏ နောက်ဆုံးအချိန် ဟောပြောပွဲလေးကိုတော့ သူတို့ကို ဖိတ်ချင်ပါသည်။ အခန်းအခြေအနေကြည့်ပြီး ကျွန်တော် သင်တန်းသားဟောင်းများထံ sms ပို့လိုက်ပါမည်။ စိတ်ဝင်စားသူများ လာခဲ့ကြပါခင်ဗျား။